Мәҙәниәт усаҡтары саҡыраМәжит Ғафури исемендәге Башҡорт дәүләт академия драма театрында
2 декабрҙә – I Бөтә Рәсәй хореография фестивале;
4 декабрҙә – "Таланттар йондоҙлоғо" хәйриә концерты;
5 декабрҙә – Тәнзилә Дәүләтбирҙинаның "Минең ғаиләм" мелодрамаһы;
6 декабрҙә – Рәлиф Кинйәбаев инсценировкаһы буйынса әҙерләнгән Талха Ғиниәтуллиндың "Ер менән күк араһында" (премьера) өндәге күрәҙәлеге;
8 декабрҙә – Хәлисә Мөҙәрисованың "Бәхет хаҡы" музыкаль мелодрамаһы.
Ком: 0 // Уҡынылар: 1134 тапҡыр // Тотош уҡырға
Балҡы, әйҙә, йырлы Йылайыр!Был көндө Өфөлә йәшәгән йылайырҙар көтөп алды. Күптән бер-береһен күрмәгән дуҫ-иш осрашты, хәл-әхүәл белеште, йәштәр райондан сыҡҡан шәхестәр менән яҡындан танышты.
Башҡортостандың халыҡ артисы Азат Айытҡолов етәкселегендәге район ҡурайсылары башҡарыуында “Таштүрә” көйө менән башланды сара. Йылайыр районы хакимиәте башлығы урынбаҫары Александр Коротков сығышын саф башҡорт телендә башлағас, барыһы “ах” итте. Хас шул төбәк диалектында һөйләшеүен әйт әле!
Александр Васильевич ҡыҫҡаса район тормошо менән таныштырҙы, төбәккә математика, информатика уҡытыусылары етешмәүе хаҡында әйтте, йәштәрҙе тыуған яғына эшкә саҡырҙы. Бөтә ергә өлгөр, уңған егеттәр, ҡыҙҙар – Иҙел, Фаил, Илдар Алсыновтарға, Ләйсән Мостаеваға, Айгиз Ҡарасовҡа, Әмир Сараевҡа рәхмәт хаты тапшырҙы.
Ком: 0 // Уҡынылар: 1612 тапҡыр // Тотош уҡырға
Сәйләндәргә йән өрәБер ваҡыт ҡыҙ туғаныбыҙ биҙәүестәрен күрһәтеп таң ҡалдырҙы. Матур төймәләр, ялтыр-йолтор алҡалар һәм беләҙектәр ысынлап күҙ яуын алырлыҡ ине. “Бындай матурлыҡты ҡайҙан алдың?” тигән һорауға ул ҙур ғорурлыҡ менән: “Үҙем эшләнем. Ә уларҙы яһарға беҙҙе Нәзирә Үзбәк ҡыҙы өйрәтә”, — тине.
Был әйберҙәр миндә шул тиклем ҡыҙыҡһыныу уятты, шуға күрә кисекмәҫтән уларҙы үреүсе, ваҡ ҡына сәйләндәрҙән ҙур сәнғәт әҫәре – мөғжизә тыуҙырыусы оҫтабикәнең үҙе менән яҡынданыраҡ танышырға маҡсат ҡуйҙым. Хәйер, башҡа ҡатын-ҡыҙ ҙа бындай гүзәллеккә битараф булмаҫ ине.
Кескәй саҡтан ҡул эштәренә әүәҫ Нәзирә тормошта күңеленә хуш килгән шөғөлдө, һөнәрҙе оҙаҡ эҙләй. Ҡайҙа инде ул үҫкән ваҡытта баланың һәләтен асыу, үҫтереү өҫтөндә эшләү! Хәҙер генә бындай мөмкинлектәр аҙым һайын. Йәнең теләгән түңәрәкте һайларға мөмкин. Ә Илеш районының Теләпән ауылында бындай мөмкинлек булһамы, Нәзирә һис ҡулынан ысҡындырмаҫ ине.
Ком: 0 // Уҡынылар: 1496 тапҡыр // Тотош уҡырға
Юғарыраҡ баһаға лайыҡ“Егет кешегә етмеш төрлө һөнәр ҙә аҙ” тигән халыҡ мәҡәле тап Фирҙәүес Ғәниев тураһындалыр ул. Үҙе йәшәгән Краснокамала ғына түгел, яҡын-тирәләге райондарҙа ла уны күптән “алтын ҡуллы оҫта” тип нарыҡлайҙар, исеме республикала ғына түгел, Башҡортостандан ситтә лә киң билдәле.
Ғүмеренең күп йылдарын нефть сығарыу тармағына, бер ҙә еңелдән булмаған экскаваторсы хеҙмәтенә бағышлаған, әле алтмыш йәшенә яҡынлаған ир-уҙаман ике ҡатлы өй һалып ингән. Уҙған быуаттың 90-сы йылдары аҙағында ул “Иң яҡшы шәхси йорт” республика конкурсы дипломына лайыҡ булған.
Фирҙәүес ағай ауылдаштарына ғына түгел, күрше райондарҙа йәшәүселәргә лә матур-матур өйҙәр күтәрергә булыша. Үҙе әйтеүенсә, Ҡалтасы, Краснокама һәм Яңауылда өс тиҫтәнән ашыу йорт уның ҡатнашлығында төҙөлгән.
Ком: 0 // Уҡынылар: 1348 тапҡыр // Тотош уҡырға
Серле шар мөғжизәһеҺеҙҙең бер бөтөн ағастан йоморо шар уйып эшләнгән, шуның эсендә тағы берәүһе, уныһының эсендә эсе ҡыуыш өсөнсө шар булған әйберҙе күргәнегеҙ бармы? Һәр береһе икенсеһенең эсендә айырым-айырым тәгәрәп йөрөй. Юҡ, тип яуап биререгеҙгә лә ышанам. Ә бына уны эшләүсе оҫта Сибай ҡалаһынан Әнүәр Игебаев булыр.
Ағастарға йән өргән тылсым эйәһе серле мөғжизәле композицияны эшләү өсөн генә дүрт йыл ваҡытын сарыф итә. “Башҡорт тубы” тип исемләнгән серле шарҙы тәүге тапҡыр күреүселәр, уны ҡулына алғас, төрлөсә әйләндереп ҡарай. Аптырап та ҡуя бәғзеләре: нисек инде, бер ниндәй ялғауһыҙ-ниһеҙ шар эсенә бер түгел, хатта өс шарҙы индерергә мөмкин? Ҡасандыр Мәскәүҙә халыҡ-ара күргәҙмәлә тамашасылар иғтибарына ике шарҙан торған “Ҡытай тубы” тәҡдим ителгән булған. Әнүәр Нуретдин улының “Башҡорт тубы” иһә өс шарҙан ғибәрәт!
Ком: 0 // Уҡынылар: 1173 тапҡыр // Тотош уҡырға
Республика көнөнә арналған район йәрминкәһендә йыл һайын аллы-гөллө балаҫтар, келәмдәр, башҡа ҡул эштәре тәҡдим итеүсе ҡатын күптәрҙең иғтибарын йәлеп итә. Ғәлиәкбәрҙән Хөснә апай Исламбаева ул. Сығышы менән дә ошо ауылдан. Атаһы һуғышҡа киткәндә, үҙе әйтмешләй, әсәһенең күкрәгендә генә ҡалған ҡыҙға тиҫтерҙәре ыңғайына ауыр йылдарҙың, унан һуңғы осорҙоң байтаҡ әсе-сөсөһөн татырға тура килә.
— Атайҙан өс бала ҡалдыҡ. Апайым ауырып үлеп китте. Белемде тыуған ауылымда алдым. Мәктәп VII класлыҡ ҡына ине. Район үҙәгендә артабан уҡырлыҡ әмәл булмағас, уҡыуҙы туҡтаттым, сөнки әсәйҙең ҡулы һынып ҡуйҙы, Сәғит ағайым армияға китте, ә Әсмә апайым ауырый. “Ҡыҙыл байраҡ” артелендә эшләнем. Ҡап та һуҡтыҡ, ҡыуғында ла йөрөнөк. Ҡыҫҡаһы, ниндәй эш бар, барыһына ла егелдек. Бер мәл мәктәп директоры Зәки Хаммат улы Сәғитов миңә: “Тырыш ҡына күренәһең, артабан уҡы”, – тине.
Ком: 0 // Уҡынылар: 1391 тапҡыр // Тотош уҡырға
“Һәләт тә, тырышлыҡ та ҡандан килә...”— Нимәне күрһәм, шуның менән шөғөлләнеп ҡарайым. Һәр береһен эшләге килә, — ти Вәсилә Фәтхетдинова.
Юҡ, һис фәстереү юҡ оҫтаның һүҙендә. Үҙе әйтмәгән хәлдә лә, өй эсен биҙәгән әйберҙәре, бәйләгән кейемдәре, өҫтәлгә теҙелгән йомшаҡ уйынсыҡтары, төрлө материалдан үреп яһалған һауыт-һабаһы, диван-карауат япмалары һәм башҡа әйберҙәр шул турала һөйләй. Ысынлап та, һәр береһен эшләгеһе килеп, теләген тормошҡа ашырған.
Кемгә нисектер, миңә ҡалһа, һәләт тәбиғәттән, ҡандан килә. Оҫталыҡ иһә ошо һәләткә тырышлығыңды ҡушһаң ғына, ваҡыт үтеү менән “яулап” алына. Бер уйлаһаң, ер йөҙөндә һәләтһеҙ кеше юҡ – һәр кем күңелендә өлөшөнә төшкән көмөшөн йөрөтә. Тик ана шул тырышлыҡ булмау, тормошта Хоҙай биргәнде баһалап бөтмәү, үҙ урыныңды тапмау әҙәм балаһын ел ыңғайына йөрөтә.
Ком: 0 // Уҡынылар: 1825 тапҡыр // Тотош уҡырға
Ҡайтанан һайландыУчалы районында хакимиәт башлығы итеп Фәрит Фәтих улы Дәүләтгәрәев ҡайтанан һайланды.
Ул 1977 йылдың 13 майында Учалы ҡалаһында тыуған. Юғары белемле: Өфө дәүләт нефть техник университетын, Башҡортостан дәүләт хеҙмәте һәм идара итеү академияһын тамамлаған.
Хеҙмәт юлын 1998 йылда “Ишембай-нефть” нефть-газ сығарыу идараһында слесарь-ремонтсы булып башлай. 1999—2001 йылдарҙа — Учалы тау-байыҡтырыу комбинатында, 2001—2011 йылдарҙа “Башкирнефтепродукт” йәмғиәтенең Учалы филиалында, диорит карьерында, Учалы ҡалаһының төҙөлөш-монтаж идаралығында эшләй. Артабан район хакимиәте башлығы вазифаһын башҡара. 2011—2013 йылдарҙа район хакимиәте башлығы булып эшләй.
Ком: 0 // Уҡынылар: 1179 тапҡыр // Тотош уҡырға
Ошо көндәрҙә республика парламенты депутаттарының өсөнсө ултырышы булды. Көн тәртибенә алтмышҡа яҡын мәсьәлә сығарылды.
Хөкүмәт сәғәтендә депутаттар республиканың Мәғлүмәт технологиялары агентлығы етәксеһе Илдар Ямаловтың сығышын тыңланы. Ул дәүләт власы һәм муниципаль райондарҙың урындағы үҙидара органдары эшмәкәрлегендә заманса мәғлүмәт технологияларын ҡулланыу тураһында һөйләне. Шулай уҡ Дәүләт Йыйылышы — Ҡоролтай ҡарамағындағы Йәштәр йәмәғәт палатаһы эшмәкәрлегенә арналған доклад тыңланды, дүртенсе йыйылышҡа кандидаттар билдәләнде.
Депутаттар егерменән ашыу закон проектын ҡараны, уларҙың бер нисәүһе закон статусын алды. Киләһе йылға республика бюджеты ҡабул ителде, 2015, 2016 йылдарға яҡынсаһы ҡаралды. Башҡортостан Дәүләт Йыйылышы — Ҡоролтай Регламентына үҙгәрештәр индерелде. Тағы ла бер ҡабул ителгән законға ярашлы, парламент комитеттары янында даими эксперт органдары эшләйәсәк. Уның эсенә депутаттар, дәүләт власы һәм урындағы үҙидара органдары вәкилдәре, йәмәғәт ойошмалары, ғалимдар, белгестәр инәсәк.
Ком: 0 // Уҡынылар: 1164 тапҡыр // Тотош уҡырға
Ниһайәт, Рәсәй почтаһының эшмәкәрлегенә ҡарата халыҡтың дәғүәләрен Хөкүмәт етәкселәре ишетте!
Айҙар буйы килгән хаттар, һуңлаған гәзит-журналдар, сүплеккә ырғытылған посылкалар, кешенең ялыуҙарын бар тип тә белмәү, ғәмһеҙлек тамам йөҙәткәйне бит һуңғы йылдарҙа. Ошо көндәрҙә Хөкүмәт етәксеһе Дмитрий Медведев милли операторҙың 2023 йылға тиклемге үҫеш стратегияһы буйынса махсус кәңәшмә үткәрҙе. Рәйестең әйтеүенсә, почтаның хәҙерге хәле үтә ауыр, реформа үткәрмәгәндә уның бөтөнләй юҡҡа сығыуы ихтимал. Рәсәй почтаһының хәле нилектән мөшкөлләнгән һуң?
Ком: 0 // Уҡынылар: 1231 тапҡыр // Тотош уҡырға
Алтын йүгән атты яҡшыртмаҫ, тиһәләр ҙә...Республикабыҙ халыҡ-ара кимәлдә үҙенең абруйын үҫтереү буйынса әүҙем эш алып барасаҡ. Был турала Хөкүмәт Президиумының ошо мәсьәләгә арналған ултырышында билдәле булды.
Башҡортостандың абруйын үҫтереү буйынса концепция проекты әҙер, ул тап ошо ултырышта раҫланды ла инде. Был документ халыҡ-ара кимәлдә республиканы яҡшыраҡ танытырға, күптәрҙе беҙҙең менән хеҙмәттәшлеккә ынтылыуға этәрергә тейеш.
– Донъяға Башҡортостанды заманса иҡтисады булған, сифатлы тауарҙар етештереүсе, инвестицияларға һәм хеҙмәттәшлеккә һәр ваҡыт әҙер, уңышлы төбәк итеп күрһәтергә теләйбеҙ, – тине Президент. Рөстәм Хәмитов фекеренсә, иҡтисадтағы тотороҡлолоҡ, инвесторҙарға "йәшел ут", ғәҙел һәм асыҡ сәйәсәт был эштә беҙгә төп ярҙамсы булырға тейеш. Шул уҡ ваҡытта республика халҡы ла үҙенең көнкүрешенең көндән-көн яҡшыра барыуын тойһон ине: әгәр кешеләр Башҡортостанда йәшәүе менән ғорурлана икән, был иң дөрөҫ күрһәткес буласаҡ.
Ком: 0 // Уҡынылар: 1064 тапҡыр // Тотош уҡырға
– Германия менән Башҡортостан араһында хеҙмәттәшлек нығына. Республикаға немец делегацияһы, эшлекле даирә вәкилдәре йыш килә. Апрелдә Германияның Рәсәйҙәге илсеһе Ульрих Бранденбург менән осрашҡайныҡ, үткән аҙнала “Сименс”, “Эберспехер” компаниялары менән һөйләшеү булды, – тине республика етәксеһе Рөстәм Хәмитов Германия Федератив Республикаһының Екатеринбургтағы Генераль консулы Андреас Классен менән осрашыуҙа.
Рөстәм Зәки улы шулай уҡ Өфөлә виза үҙәге асылыуына ыңғай ҡарашта булыуын, был беҙҙең граждандарҙың виза алыу мәшәҡәтен күпкә кәметәсәген белдерҙе.
Бөгөн Башҡортостанда немец капиталы ҡатнашлығында компаниялар эшләй, берлектәге предприятиелар бар. Быйыл туғыҙ айҙа тышҡы сауҙа әйләнеше 166 миллион доллар тәшкил итә, шул иҫәптән экспорт –15 миллион, импорт – 151 миллион доллар. Экспорттың төп өлөшө химия тауарҙарына, каучук, алюмин, ҡара металға тура килә. Германиянан беҙгә машиналар, ҡорамалдар, дарыу һәм башҡа тауар килә.
Ком: 0 // Уҡынылар: 796 тапҡыр // Тотош уҡырға
Хеҙмәтенә күрә — хөрмәтеБашҡортостан Республикаһы Президенты указдарына ярашлы, Стәрлетамаҡ ҡалаһындағы "Электр селтәрҙәре" предприятиеһы инженеры Анисимов Владимир Иванович, Стәрлетамаҡ ҡалаһы хакимиәте башлығы урынбаҫары Зарипов Миҙехәт Рәфҡәт улы, Стәрлетамаҡ ҡалаһы хакимиәтендәге торлаҡ-коммуналь хужалыҡ бүлегенең баш иҡтисадсыһы Зуделина Роза Миңләхмәт ҡыҙы, "Башкиравтодор" йәмғиәтенең Әбйәлил идаралығы машинисы Ҡарнаев Нәғим Үлмәҫҡол улы, Стәрлетамаҡ ҡалаһындағы Һыу тәьминәте компанияһының бүлек начальнигы Кремнева Валентина Николаевна, "Башкиравтодор" йәмғиәтенең Әбйәлил идаралығы шоферы Ырыҫҡужин Ирек Таштимер улы, Стәрлетамаҡ ҡалаһындағы Торлаҡ хужалығы тресының слесарь-сантехнигы Слетнев Леонид Викторович, "Урал аръяғы" машина-технологик станцияһының Әбйәлил филиалы шоферы Хәлитов Рәмил Рафиҡ улы Башҡортостан Республикаһының Почет грамотаһы менән бүләкләнде;
Ком: 0 // Уҡынылар: 596 тапҡыр // Тотош уҡырға
Заман ҡаҙаныштары ни тиклем алға китһә лә, кешелек көсө һәм ҡеүәте етмәгән бәләләр донъяла әлегә бихисап. Шулар иҫәбенә дәүер афәтен – СПИД сирен дә индереү зарур. Ҡыҙғанысҡа ҡаршы, йылдан-йыл был ҡурҡыныс сиргә тарыусыларҙың һаны арта бара, ә уны дауалау әмәле әлегәсә табылмаған.
Башҡортостандағы хәл дә әллә ни ҡыуанырлыҡ түгел. Шуныһы аяныслы: ВИЧ (кеше иммунодефициты вирусы) йоҡторған ҡатын-ҡыҙ күбәйә, сирле парҙар арта. Һөҙөмтәлә быуат сиренә дусар балалар донъяға килә.
Инҡар итеп булмаған был афәттең, ҡыҙғанысҡа ҡаршы, һәр кемдең ғаиләһенә ҡағылыуы ихтимал. Унан ҡотолоуҙоң төп юлдарының береһе – проблема хаҡында хәбәрҙар булыу, сир тураһында күберәк мәғлүмәт туплау. Ошо йәһәттән Республика СПИД-ты, йоғошло сирҙәрҙе иҫкәртеү һәм уларға ҡаршы көрәш үҙәге педиатры Изолина Риф ҡыҙы БИГЛОВАнан ҡайһы бер һорауҙарға яуап алдыҡ.
Ком: 0 // Уҡынылар: 737 тапҡыр // Тотош уҡырға
Әсәлек капиталы кәрәк әлеБелеүебеҙсә, 2025 йылға тиклем Рәсәй Федерацияһының демографик сәйәсәте концепцияһын тормошҡа ашырыу буйынса төрлө саралар ойошторола. Маҡсат бер — халыҡ һанын тотороҡло итеү һәм уның үҫеше өсөн шарттар тыуҙырыу. Бик мәслихәт эш, тип барыбыҙҙың да указды хуплап ҡаршы алыуыбыҙ иҫтә.
Оҙайлы проектҡа өмөт ҙур
Демографик сәйәсәттең таяныр өс терәге булыуын яҡшы беләбеҙ: тыуымды ишәйтеү, ғүмерҙең оҙайлылығын арттырыу һәм Рәсәйгә сит ил халҡын күпләп йәлеп итеү. Ҡыҫҡаһы, ошо йүнәлештәрҙә ең һыҙғанып эшләү, төптән уйланылған закондар, ҡарарҙар нигеҙендә аҙымдарыбыҙҙы нығытыу мөһим.
Тәүге бурыс — хеҙмәткә һәләтле йәштәгеләрҙең үлем кимәлен йыл да 2-3 процентҡа кәметеү.
Ком: 0 // Уҡынылар: 1022 тапҡыр // Тотош уҡырға
Артҡа 1 2 3 4 5 6 7 8 9 10 ... 26 Алға
Бит башына